ivanliresearch
［勞蘇KOL］保證呢篇係好文，講理財，擁抱熊市。美股，到咗夢醒時分未？要知道，傷心總是難免的，正如輸錢總係難免。
1. TLDR：股票搞到你瞓唔安食唔落，點好？好簡單—沽到你瞓得著為止。奴隸先會擔心主人心情，主人就話撚知你心情。仲有，股市如女。點解？下面講
2. 或曰，熊乜市？高位跌嗰10%都未到。當然對我嚟講濕濕碎。repeat after me：跌10%就叫救命嘅，返屋企耕田啦。但你買啲濕鳩科技股嘅（例如DocuSign，晏啲寫下），應該feel到啲痛啦啩，仲做埋槓杆嘅，祝你好運啦
3. 唔好誤會，首先其他人輸錢，我唔會特別開心 —如果你輸錢我有得贏我就好開心。但既然我係悲觀嘅樂觀者，長期100%長倉，咁當然我都輸錢啦。
4. 之但係，熊市呀，大跌呀，股災呀，Whatever you name it，我多數都處之泰然。
5. 我唔會好想佢降臨，但佢嚟到，我都係擁抱佢。況且，升市個撚個都股神啦。梗係去到逆境先見到真章。學霸，當然想份卷越深越好。你就梗係想一分決勝負，但世界冠軍當然係想同你打21分，因為講實力，冇得偷雞。
6. 有一個好好嘅問題，就係問人：what keep you up at night？
7. 呢類問題赤裸裸，唔好亂問人，但真係幾有用的。或者試下問自己，係乜嘢令你徹夜難眠？你為乜奮鬥？係愛定係責任？你返工為乜？搵錢為乜？投資為乜？搞個Patreon為乜？（我會認真答你：安全感，或者話lack of it．但詳情就要分多幾篇文講）
8. 你要嘅係乜？你心中嘅慾望係乜？每個人都want something，只係旁人未必知，甚至佢自己都唔知（直到嗰樣嘢出現）。如果你係反社會人格想操控別人嘅，可以認真研究下。
9. 再講一次，每個人都want something，你畀到佢，甚至只係令佢覺得你畀到佢 — 佢好多嘢都肯做，好多荒謬嘅大話都可以信。之所以呢個世界有美國軍佬或羊腸機師網戀騙案，有性交改運，有假新聞，有疫苗撚，有共濟會，有蜥蜴人。
10. 每個人都want something，係乜？當然唔一定好易搵。但反社會人格101，畀個入門貼士你：人就係冇嗰樣整嗰樣嘅動物，呢個方法近乎萬試萬靈。窮人想發達證明自己嘅絶世發財好橋幾咁掂，有錢肥佬想女人鍾意佢靚仔同才華，大波女星想人重視佢演技，富二代想人認同佢唔係靠老豆。香港我地貼日本妹，日本我地貼張栢芝（＊）。
11. 講返，what keep you up at night？你啲感情事務呀，一統中原呀，我就幫你唔到。但至少投資我幫到你。
12. 不，唔係只係咁膚淺定賣廣告（雖然12蚊美金個月超抵，仲要料多咗好多，而冇加過價）。唔會要在Patreon先講，呢度就講你知。
13. 好多人，Patreon讀者與否，Facebook讀者與否，都會出現一個問題：啲股票搞到佢食唔安，瞓唔落。點好？
14. 我嘅答案：沽到一個你可以瞓得著嘅水平。
15. 我以我全屋勞蘇嘅名義發誓，呢個答案極之認真，完全真心。因為我以前都係咁做。
16. 睇過我本書，或者富途訪問，都會知我在金融海嘯時輸晒所有錢，百幾萬咯。嗰時真係成副身家架啦，做咗分析員兩年咋喎，嗰20萬花紅當然都包括在內。（我教書時反而儲到些少錢，同埋有「Lancer基金」（冇錯係為咗買二手車嘅錢，後來成為「港女基金」，再進化為「新芬基金」）。但到做銀行時就入不敷支啦，人工大減嘛。）
17. 好簡單，你嘅投資，係唔應該令你瞓唔著教，或者冇心機做你平時做嘅嘢，亦不可能影響你嘅事業（無論係返工，做生意定係創作人）。錢為你工作，唔係掉轉。你嘅投資影響你搵錢或者瞓覺，咁已經代表你係佢奴隸。奴隸先會擔心主人心情，主人就話撚知你心情。
18. 2008年後，我從冇因為股票而瞓唔著。歐債危機又好，2018年大跌又好，2020年世紀疫情都好，從來都冇。
19. 我用不同嘅嘢比喻股票，曾經用過上山打獵或出海打魚。但今次，在一個男性角度，我會用「女人」去比喻：
20. 冇錯，股市如女，喜怒無常，佢自有一套邏輯，你可能呢世都唔會明點解。仲有，佢發惡時，都真係好恐怖，令你好痛苦 — 但，大多數時侯，佢都係令你相當快樂嘅。但你冇可能只係快樂時攬住佢，痛苦時唔要佢。Feel it，don’t try to understand it
wonderfullife 